பா.இரஞ்சித் தயாரிக்கும் படத்தில் நடிக்கும் யோகி பாபு… ரிலீஸானது ‘பொம்மை நாயகி’ ஃபர்ஸ்ட் லுக்!

2012-ஆம் ஆண்டு ‘அட்டகத்தி’ என்ற சின்ன பட்ஜெட் படத்தை இயக்கி ஹிட் கொடுத்தவர் பா.இரஞ்சித். அந்த படத்தின் வெற்றியால் இயக்குநர் பா.இரஞ்சித்திற்கு அடித்தது ஜாக்பாட். அடுத்தடுத்து கார்த்தியுடன் ‘மெட்ராஸ்’, ‘சூப்பர் ஸ்டார்’ ரஜினிகாந்துடன் ‘கபாலி, காலா’ என கூட்டணி அமைத்து சூப்பரான படங்களை கொடுத்தார். இப்போது பா.இரஞ்சித் இயக்கி கொண்டிருக்கும் புதிய படம் ‘சார்பட்டா பரம்பரை’.

இதில் ஹீரோவாக ஆர்யாவும், ஹீரோயினாக துஷாராவும் நடித்துள்ளனர். இந்த படத்தின் ஷூட்டிங் முடிவடைந்து போஸ்ட் புரொடக்ஷன் பணிகள் ஜெட் ஸ்பீடில் நடைபெற்று வருகிறது. இந்நிலையில், இயக்குநர் பா.இரஞ்சித் தனது ‘நீலம் புரொடக்ஷன்ஸ்’ மூலம் தயாரிக்கும் புதிய படத்தின் தகவல் கிடைத்துள்ளது. ‘பொம்மை நாயகி’ என டைட்டில் சூட்டப்பட்டுள்ள இந்த படத்தில் ஹீரோவாக யோகி பாபு நடிக்க உள்ளார்.

இப்படத்தை ஷான் இயக்க, சுந்தரமூர்த்தி கே.எஸ் இசையமைத்து வருகிறார், அதிசயராஜ் ஒளிப்பதிவு செய்கிறார், செல்வா ஆர்.கே படத்தொகுப்பாளராக பணியாற்றுகிறார். இதன் ஷூட்டிங் இன்று (ஜனவரி 22-ஆம் தேதி) முதல் ஆரம்பிக்கப்பட்டுள்ளது. இந்த தகவலை பா.இரஞ்சித்தே தனது ட்விட்டர் பக்கத்தில் ஸ்டேட்டஸாகத் தட்டி உறுதிபடுத்தியதுடன், படத்தின் ஃபர்ஸ்ட் லுக் போஸ்டரையும் ரிலீஸ் செய்துள்ளார்.

இனிதே ஆரம்பம்!பெரும் மகிழ்ச்சி😊#NeelamProductions #PaRanjith Present @iYogiBabu in #BommaiNayagi On Floors Today @beemji @_Red_Blue_Black ,@athisayamdop @SundaramurthyKS@EditorSelva @KaviKabilan2 @TherukuralArivu @officialneelam @YaazhiFilms_ @kabilanchelliah @pro_guna pic.twitter.com/ceqFbzQAJ5

— pa.ranjith (@beemji) January 22, 2021