தமிழ் திரையுலகில் ஒரு படம் வெளியாகி சூப்பர் ஹிட்டானால், அடுத்ததாக அந்த நடிகரின் படத்துக்கோ அல்லது அந்த படத்தை இயக்கிய இயக்குநரின் படத்துக்கோ ஒரு எதிர்பார்ப்பு இருக்கும். அதைவிட பல மடங்கு எக்ஸ்பெக்டேஷன், அதே படத்தின் பார்ட் 2 உருவாகும்போது ரசிகர்களுக்கு இருக்கும்.
பார்ட் 1 & 2 இரண்டுமே ஹிட்டாகி இப்போது பார்ட் 3 தயாராகி கொண்டிருக்கிறது. அது தான் தமிழ் படமான ‘அரண்மனை 3’. 2014-யில் சுந்தர்.சி இயக்கி, நடித்த ‘அரண்மனை’-க்கு நல்ல வரவேற்பு கிடைத்ததால், அதன் பார்ட் 2-வை 2016-யில் எடுத்தார். இதுவும் ஹிட்டாக, இப்போது ‘அரண்மனை’ பார்ட் 3-யை இயக்கி வருகிறார் சுந்தர்.சி. இந்த படத்தில் ஹீரோவாக ஆர்யா நடித்து வருகிறார்.
மேலும், முக்கிய ரோல்களில் ராஷி கண்ணா, ஆண்ட்ரியா, விவேக், யோகி பாபு, சாக்ஷி அகர்வால் மற்றும் பலர் நடிக்கின்றனராம். ஹாரர் படமான இதன் முதல் இரண்டு பாகங்களில் ஹீரோயின்ஸ் பேயாக மிரட்டியிருந்தார்கள். இந்த படத்தில் ஆர்யா தான் பேயாக வலம் வந்து திகிலூட்டப்போகிறாராம். தற்போது, படத்தில் இசையமைப்பாளர் சத்யா இசையில் பிரபல பின்னணி பாடகர்கள் ஹரிஹரன் – ஷங்கர் மகாதேவன் இணைந்து ஒரு பாடல் பாடியுள்ளதாகவும், அப்பாடலில் அவர்களே நடித்துள்ளதாகவும் தகவல் கிடைத்துள்ளது.
What a pleasure and honor to have two legends @SingerHariharan and @Shankar_Live on board for our prestigious project #Aranmanai3 as actors, performing for their songs. Thank you so much for agreeing to be with us. #SundarC
pic.twitter.com/XSCEYjcgmd
— KhushbuSundar
(@khushsundar) January 29, 2021
Home