சினிமாவில் பாப்புலர் ஹீரோக்களில் ஒருவராக வலம் வருபவர் ஆர்யா. ஆர்யாவுக்கு தமிழ் மொழியில் அமைந்த முதல் படமே சூப்பர் ஹிட்டானது. அது தான் ‘அறிந்தும் அறியாமலும்’. இந்த படத்தை பாப்புலர் இயக்குநர்களில் ஒருவரான விஷ்ணுவர்தன் இயக்க, மிக முக்கிய ரோல்களில் நவ்தீப், பிரகாஷ் ராஜ், சமிக்ஷா நடித்திருந்தனர்.
‘அறிந்தும் அறியாமலும்’ படத்தின் ஹிட்டிற்கு பிறகு ஆர்யாவுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘நான் கடவுள், மதராசபட்டினம், பாஸ் (எ) பாஸ்கரன், வேட்டை, ராஜா ராணி, மகாமுனி, டெடி, சார்பட்டா பரம்பரை, எனிமி, அரண்மனை 3, கேப்டன், காதர் பாட்சா என்ற முத்துராமலிங்கம்’ என தமிழ் படங்கள் குவிந்தது.
ஆர்யா தமிழ் மொழி படங்கள் மட்டுமில்லாமல் மலையாளம், கன்னடம், தெலுங்கு ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார். 2019-ஆம் ஆண்டு நடிகை சாயிஷாவை காதலித்து திருமணம் செய்து கொண்டார் ஆர்யா.
2021-ஆம் ஆண்டு ஆர்யா – சாயிஷா தம்பதியினருக்கு அழகான பெண் குழந்தை (பெயர் : அரியானா) பிறந்தது. தற்போது, சாயிஷா யூடியூப் பக்கத்தில் தனது மகளின் 2-வது பிறந்தநாள் கொண்டாட்டத்தின் போது எடுத்த வீடியோவை வெளியிட்டுள்ளார்.
Home