ஹிட்டான படத்தின் ரீமேக்… பிரபல இயக்குநருக்கு ஜோடியான ஐஸ்வர்யா ராஜேஷ்!

தமிழ் சினிமாவில் பிரபல நடிகைகளில் ஒருவராக வலம் வருபவர் ஐஸ்வர்யா ராஜேஷ். திரையுலகில் என்ட்ரியான புதிதில் சில படங்களில் நடித்திருந்தாலும், ‘அட்டகத்தி’ என்ற படத்தில் தான் ஆடியன்ஸ் மனதில் ரெஜிஸ்டர் ஆனார். அதன் பிறகு நடித்து 2015-ஆம் ஆண்டு ரிலீஸான ‘காக்கா முட்டை’ என்ற திரைப்படம் தான் ஐஸ்வர்யா ராஜேஷின் நடிப்புக்கு லைக்ஸ் போட வைத்தது. இந்த படம் சூப்பர் ஹிட்டானதும், ஐஸ்வர்யா ராஜேஷுக்கு அடித்தது ஜாக்பாட்.

அடுத்தடுத்து இவரின் கால்ஷீட் டைரியில் ‘ஆறாது சினம், ஹலோ நான் பேய் பேசுறேன், மனிதன், தர்மதுரை, குற்றமே தண்டனை, கடலை, கட்டப்பாவ காணோம், ஜெமினி கணேசனும் சுருளி ராஜனும், லக்ஷ்மி, சாமி ஸ்கொயர், செக்கச்சிவந்த வானம், வடசென்னை, கனா, மெய், நம்ம வீட்டுப் பிள்ளை, வானம் கொட்டட்டும்’ என படங்கள் குவிந்தது. ஐஸ்வர்யா ராஜேஷ் தமிழ் மொழி படங்கள் மட்டுமின்றி ஹிந்தி, மலையாளம் மற்றும் தெலுங்கு ஆகிய மொழி திரைப்படங்களிலும் நடித்து ரசிகர்களிடம் அப்ளாஸ் வாங்கியிருக்கிறார்.

இப்போது, ஐஸ்வர்யா ராஜேஷ் நடிப்பில் ஏழு படங்கள் லைன் அப்பில் இருக்கிறது. இந்நிலையில், நடிகை ஐஸ்வர்யா ராஜேஷ் தனது கால்ஷீட் டைரியில் இணைய ஒரு புதிய படத்துக்கு ஓகே சொல்லியிருப்பதாக தகவல் கிடைத்துள்ளது. இப்படம் 1983-யில் கே.பாக்யராஜ் இயக்கி, நடித்த ‘முந்தானை முடிச்சு’ படத்தின் ரீமேக்காம். இதில் பாக்யராஜ் ரோலில் சசிகுமாரும், ஊர்வசி ரோலில் ஐஸ்வர்யா ராஜேஷும் நடிக்க உள்ளனர். கே.பாக்யராஜே கதை-திரைக்கதை-வசனம் எழுதியுள்ள இப்படத்தின் இயக்குநர் யார்? என விரைவில் அறிவிக்கப்படுமாம்.

Excited and honoured to be a part of the remake of #MunthanaiMudichu, one of Tamil cinema's landmark films that's stood the test of time. Watch out for this one in 2021! @SasikumarDir @ungalKBhagyaraj @JsbSathish@idiamondbabu #JSBFilmStudio pic.twitter.com/ceO4ZSFzcT

— aishwarya rajesh (@aishu_dil) September 19, 2020