கொரோனா சிகிச்சையில் இருந்து மீண்டு வந்த சரத்குமார்!

1986 ஆம் வருடம் வெளிவந்த தெலுங்கு படமான “சமஜம்லோ” மூலம் திரையுலகிற்கு அறிமுகப்படுத்தப்பட்ட நடிகர் சரத்குமார், தனது ஆரம்ப காலகட்டங்களில் குணச்சித்திர வேடங்களில் நடித்து வந்தார்.

1980களில் பெரும்பாலான படங்களில் வில்லன் கதாபாத்திரத்தில் நடித்து வந்த இவர், 1992 ஆம் வருடத்திற்கு பிறகு வெளிவந்த படங்களில் ஹீரோவாக நடிக்கத் தொடங்கினார்.

இவர் ஒரு தயாரிப்பு நிறுவனத்தையும் நடத்திவந்தார். சூரியன், சூரிய வம்சம், நாட்டாமை, நட்புக்காக போன்ற வெற்றி படங்களில் நடித்து தனக்கென தனி ரசிகர் பட்டாளத்தை கொண்டிருக்கும் நடிகர் சரத்குமார் இன்றும் பல வெற்றி படங்களில் குணசித்திர வேடங்களில் நடித்து வருகிறார்.

சமீபத்தில் இவர் கொரோனாவால் பாதிக்கப்பட்டிருப்பதாகவும், அதிலிருந்து குணமடைந்து மீண்டு வருவதற்காக சிகிச்சை பெற்று வருவதாகவும் செய்தி வெளியிட்டிருந்தார்கள். இதைத்தொடர்ந்து தற்போது நீண்ட சிகிச்சைக்குப் பின் இவர் மருத்துவமனையிலிருந்து விடுவிக்கப்பட்டுள்ளதாக இவரது மகள் வரலட்சுமி சரத்குமார் செய்தி வெளியிட்டுள்ளார். மேலும் மீண்டுவந்த சரத்குமாரும் தனது சமூக வலைத்தள பக்கத்தில் தான் நலமாக இருப்பதாக பதிவிட்டுள்ளார்.

Thank you for all the love and support..Daddy is being discharged today..@realsarathkumar..we feel truly blessed..plz be safe..#COVID19 is still very much a danger to us all.. @realradikaa @rayane_mithun #poojasarathkumar #rahhulsarath pic.twitter.com/q426RUGztA

— (@varusarath5) December 13, 2020

#ThankYou pic.twitter.com/PnhRoriWcG

— R Sarath Kumar (@realsarathkumar) December 13, 2020