‘கொரோனா’ தொற்றிலிருந்து மீண்ட நடிகர் சோனு சூட்… ட்விட்டரில் போட்ட பதிவு!

சினிமாவில் பாப்புலர் நடிகர்களில் ஒருவராக வலம் வருபவர் சோனு சூட். இவருக்கு தமிழில் அமைந்த முதல் படமே விஜயகாந்துடன் தான். அது தான் ‘கள்ளழகர்’. ‘கள்ளழகர்’ படத்துக்கு பிறகு நடிகர் சோனு சூட்டுக்கு அடித்தது ஜாக்பாட்.

அடுத்தடுத்து இவரின் கால்ஷீட் டைரியில் ‘நெஞ்சினிலே, சந்தித்த வேளை, மஜ்னு, ராஜா, கோவில்பட்டி வீரலட்சுமி, சந்திரமுகி, ஒஸ்தி, சாகசம், தேவி 1 & 2’ என தமிழ் படங்கள் குவிந்தது. சோனு சூட் தமிழ் மொழி படங்கள் மட்டுமில்லாமல் ஆங்கிலம், ஹிந்தி, மாண்டரின், கன்னடம், தெலுங்கு போன்ற மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார்.

இப்போது, விஜய் ஆண்டனியின் ‘தமிழரசன்’ என்ற புதிய தமிழ் படத்தில் முக்கிய ரோலில் நடித்து கொண்டிருக்கிறார் சோனு சூட். சமீபத்தில், சோனு சூட் தனது ட்விட்டர் பக்கத்தில் “கொரோனா டெஸ்ட் எடுத்தபோது எனக்கு ‘கொரோனா’ தொற்று இருப்பது உறுதி செய்யப்பட்டுள்ளது. நான் வீட்டிலையே தனிமைப் படுத்திக் கொண்டு, உரிய சிகிச்சை எடுத்துக் கொண்டு வருகிறேன்” என்று கூறியிருந்தார். இந்நிலையில், இன்று ‘கொரோனா’ டெஸ்ட் எடுத்தபோது நெகட்டிவ் என்று வந்துள்ளதாக சோனு சூட் கூறியுள்ளார்.

Tested: COVID-19 Negative. pic.twitter.com/wF61zXVJ6m

— sonu sood (@SonuSood) April 23, 2021