தமிழ் திரையுலகில் பிரபல நடிகராகவும், இயக்குநராகவும் வலம் வருபவர் ‘ஆக்ஷன் கிங்’ அர்ஜுன். இவரின் மகள் ஐஸ்வர்யா, 2013-ஆம் ஆண்டு வெளியான ‘பட்டத்து யானை’ என்ற தமிழ் படத்தில் ஹீரோயினாக அறிமுகமானார். விஷால் ஹீரோவாக நடித்திருந்த இந்த படத்தை பிரபல இயக்குநர் பூபதி பாண்டியன் இயக்கியிருந்தார்.
இதனைத் தொடர்ந்து ‘சொல்லிவிடவா’ என்ற படத்தில் நடிகை ஐஸ்வர்யா நடித்தார். இந்த படத்தை ஐஸ்வர்யாவின் அப்பா அர்ஜுனே தயாரித்து, இயக்கியிருந்தார். இப்படம் 2018-ஆம் ஆண்டு தமிழ் மற்றும் கன்னடம் என இரண்டு மொழிகளில் வெளியானது.
சமீபத்தில், நடிகை ஐஸ்வர்யா அர்ஜுனும், பிரபல நடிகர் தம்பி ராமையாவின் மகனும், நடிகருமான உமாபதி ராமையாவும் காதலித்து வருவதாக சொல்லப்பட்டது. தற்போது, இவர்களின் திருமண நிச்சயதார்த்தம் நேற்று நடைபெற்றதாக தகவல் கிடைத்துள்ளது.
Home