நிறைவு பெற்ற ஆர்யாவின் “சல்பேட்ட” திரைப்படத்தின் படப்பிடிப்பு!

பிரபல தமிழ் திரைப்பட இயக்குனரான பா ரஞ்சித், தனது முதல் படமான அட்டகத்தி மூலம் ரசிகர்களிடையே நல்ல வரவேற்பை பெற்று ,தற்போது சூப்பர் ஸ்டார் ரஜினிகாந்த் அவர்களின் காலா படத்தை இயக்கியது வரை தமிழ் திரைப்படவுலகில் வெற்றிக்கொடியை நாட்டி வருகிறார்.

இவர் தற்போது ‘ சல்பேட்ட’ என்னும் படத்தை நடிகர் ஆர்யாவை வைத்து இயக்கி வருகிறார். இந்த படம் வடசென்னையில் 80 களில் வாழ்ந்த குத்துச்சண்டை வீரர்கள் பற்றிய கதையை மையமாக கொண்டது என்று கூறப்படுகிறது.

இந்த படத்தில் ஆர்யாவுடன் கலையரசனும் குத்துச்சண்டை வீரர்களாக நடித்துள்ளார் என்றும், ‘போதை ஏறி புத்தி மாறி ‘ படத்தில் நடித்த தசரா விஜயன் இப்படத்தில் ஆர்யாவுக்கு ஜோடியாக நடித்துள்ளார் என்றும் செய்திகள் வெளியாகியுள்ளன. மேலும் இந்த படத்தில் இயக்குனர் பார்த்திபன் இயக்கத்தில் வெளிவந்த “கதைதிரைக்கதைவசனம்” திரைப்படத்தில் நடித்த சந்தோஷ்பிரதாப் , இந்த படத்தில் ஒரு முக்கிய வேடத்தில் நடித்து வருகிறார்.

தற்போது இந்த படத்தில் நடித்த நடிகர் ஆர்யா இந்தப்படத்தின் ஷூட்டிங் நிறைவு பெற்றுள்ளதாகவும், இந்த படம் தனக்கு பெரிய அனுபவம் என்றும், இதைவிட நல்ல ஸ்போர்ட்ஸ் சம்மந்தப்பட்ட திரைப்படத்தை யாராலும் இயக்க முடியாது என்றும், இந்த வாய்ப்பு தனக்குக் கிடைத்தது தனக்கு பெருமை என்றும் பதிவிட்டுள்ளார்.

இதன்மூலம் “சல்பேட்ட” திரைப்படத்தின் படப்பிடிப்பு முடிவு பெற்றது தெரிந்துள்ளது. மேலும் இந்த படத்தின் பர்ஸ்ட் லுக் விரைவில் வெளியாகும் என்றும் இவர் குறிப்பிட்டுள்ளார். பா.ரஞ்சித் இயக்கத்தில் ஆர்யாவின் சல்பேட்ட ஃபர்ஸ்ட் லுக் போஸ்டர்காக இவரது ரசிகர்கள் ஆவலாக காத்திருக்கிறார்கள்.

https://twitter.com/arya_offl/status/1323200338451595264?s=19

https://twitter.com/arya_offl/status/1323198662286077953?s=19