‘#18YearsOfAnniyan’… விக்ரமின் ‘அந்நியன்’-க்காக இயக்குநர் ஷங்கர் வாங்கிய சம்பளம் எவ்ளோ தெரியுமா?

சினிமாவில் டாப் நடிகர்களில் ஒருவராக வலம் வருபவர் ‘சீயான்’ விக்ரம். ஒவ்வொரு படத்துக்கும் விக்ரம் தனது கெட்டப்பை மாற்றி ரசிகர்களிடம் அப்ளாஸ் வாங்கி வருகிறார். இவர் நடிப்பில் ‘துருவ நட்சத்திரம், தங்கலான்’ என இரண்டு படங்கள் லைன் அப்பில் இருந்தது.

இதில் ‘துருவ நட்சத்திரம்’ படத்தை இயக்குநர் கெளதம் மேனனும், ‘தங்கலான்’ படத்தை இயக்குநர் பா.இரஞ்சித்தும் இயக்குகின்றனர். ‘துருவ நட்சத்திரம்’ படம் வருகிற ஜூலை 14-ஆம் தேதி ரிலீஸாகவிருக்கிறது. ‘தங்கலான்’ படத்தின் ஷூட்டிங் முடிவடையும் தருவாயில் உள்ளது.

விக்ரமின் கேரியரில் மிக முக்கியமான படம் ‘அந்நியன்’. இந்த படத்தில் விக்ரமுக்கு ஜோடியாக சதா நடிக்க, டாப் இயக்குநர்களில் ஒருவரான ஷங்கர் இதனை இயக்கியிருந்தார். இதில் விக்ரம் ‘அந்நியன், அம்பி, ரெமோ’ என மூன்று ரோல்களில் வலம் வந்து ரசிகர்களிடம் அப்ளாஸ் வாங்கினார். இந்த படத்தில் மிக முக்கிய ரோல்களில் விவேக், பிரகாஷ் ராஜ், நாசர் மற்றும் பலர் நடித்திருந்தனர்.

இப்படம் மிகப் பெரிய ஹிட்டானது. கடந்த ஜூன் 17-ஆம் தேதியுடன் இந்த படம் வெளி வந்து 18 ஆண்டுகள் ஆகி விட்டதாம். இதனால் விக்ரமின் ரசிகர்கள் சமூக வலைத்தளங்களில் ‘#18YearsOfAnniyan’ என்ற ஹேஸ் டேக்கை ட்ரெண்ட் செய்து வருகிறார்கள். தற்போது, இந்த படத்துக்காக இயக்குநர் ஷங்கர் ரூ.3.50 கோடி சம்பளம் வாங்கியதாக தகவல் கிடைத்துள்ளது.