கௌதம் வாசுதேவ் மேனன் வெளியிட்டுள்ள புதிய அப்டேட்!

தமிழில் முன்னணி இயக்குனர்களில் ஒருவரான கௌதம் வாசுதேவ் மேனன் இயக்கத்தில் அடுத்து வெளிவரவிருக்கும் திரைப்படம் “ஜோஸ்வா இமைபோல் காக்க”. இந்த படத்தை பற்றிய புதிய அப்டேட்டை தற்போது GVM வெளியிட்டுள்ளார்.

வேல்ஸ் பிலிம்ஸ் இன்டர்நேஷனல் தயாரிப்பில் உருவாகிக் கொண்டிருக்கும் இந்த திரைப்படத்தில் வருண் மற்றும் ராகே ஆகியோர் நடிக்கிறார்கள். எஸ்ஆர் கதிர் ஒளிப்பதிவில் இந்தப்படத்திற்கு கார்த்திக் இசையமைக்கிறார்.

தற்போது புதிய அப்டேட் என்னவென்றால் இந்தப்படத்தில் வரும் “நான் உன் ஜோஷ்வா” என்ற பாடலை வருகிற ஜூலை 16ஆம் தேதி வெளியிடப்போவதாக தற்போது கௌதம் வாசுதேவ் மேனன் குறிப்பிட்டுள்ளார். இந்தப் படத்தின் முதல் சிங்கிள் ஏற்கனவே வெளியாகியுள்ள நிலையில், இரண்டாவது சிங்கிள் விக்னேஷ் சிவன் எழுத்தில் வருகிற ஜூலை 16ம் தேதி வெளியாகவுள்ளது.

பிப்ரவரி மாதமே வெளியிடவிருந்த இந்த திரைப்படம் கொரோனா லாக்டவுன் காரணமாக தற்போது தள்ளிவைக்கப்பட்டுள்ளது.

கௌதம் வாசுதேவ் மேனன் இயக்கத்தில் கடைசியாக வெளிவந்த திரைப்படம் தனுஷ் நடிப்பில் வெளியான “எனை நோக்கி பாயும் தோட்டா”. இந்த படத்தை தொடர்ந்து “கார்த்திக் டயல் செய்த எண்” என்ற குறும்படத்தை வெளியிட்டார் GVM என்பது குறிப்பிடத்தக்கது.