காஜல் அகர்வால் – ரெஜினா – ஜனனி இணைந்து நடிக்கும் ஹாரர் படம்… ரிலீஸானது ‘கருங்காப்பியம்’ ஃபர்ஸ்ட் லுக்!

திரையுலகில் பிரபல நடிகைககளில் ஒருவராக வலம் வருபவர் காஜல் அகர்வால். இப்போது காஜல் அகர்வால் நடிப்பில் தமிழில் ‘இந்தியன் 2, பாரிஸ் பாரிஸ், ஹேய் சினாமிகா, கோஸ்டி’, தெலுங்கில் ‘ஆச்சார்யா’, ஹிந்தியில் ‘உமா’ என ஆறு படங்கள் லைன் அப்பில் இருக்கிறது. இந்நிலையில், காஜல் அகர்வால் நடித்து வரும் புதிய படம் குறித்து அதிகாரப்பூர்வ அறிவிப்பு வெளியாகியுள்ளது.

‘கருங்காப்பியம்’ என டைட்டில் சூட்டப்பட்டுள்ள இந்த படத்தை பாப்புலர் இயக்குநர்களில் ஒருவரான டிகே இயக்கி வருகிறார். இதில் காஜல் அகர்வாலுடன் இணைந்து நடிகைகள் ரெஜினா, ஜனனி இருவரும் நடிக்கிறார்கள். மேலும், மிக முக்கிய ரோல்களில் கலையரசன், யோகி பாபு, ஆதவ் கண்ணதாசன் ஆகியோர் நடித்து வருகின்றனர்.

ஹாரர் ஜானர் படமான இதன் ஃபர்ஸ்ட் லுக் போஸ்டரை இன்று (ஜூலை 16-ஆம் தேதி) ரிலீஸ் செய்துள்ளனர். இந்த ஃபர்ஸ்ட் லுக் போஸ்டர் ரசிகர்களிடம் நல்ல வரவேற்பை பெற்று வருகிறது. அதுமட்டுமின்றி, படத்தின் மீதான எக்ஸ்பெக்டேஷன் லெவலையும் எகிற வைத்துள்ளது.

Share.