பிரபல இயக்குனர் ஷங்கர் பாராட்டிய மூன்று திரைப்படங்கள்!

தமிழ் திரையுலகின் பிரம்மாண்ட இயக்குனர் என்றால் அது ஷங்கர் தான். இயக்குனர்கள் எஸ்.ஏ.சந்திரசேகர் மற்றும் பவித்ரன் ஆகியோருக்கு துணை இயக்குனராக தன் திரையுலக பயணத்தை தொடங்கிய ஷங்கர், 1993 ஆம் வருடம் வெளியான “ஜென்டில்மேன்” திரைப்படம் மூலம் இயக்குனராக தமிழ் திரையுலகிற்கு அறிமுகமானார்.

ஜென்டில்மேன் அப்போதைய தமிழ் சினிமாவில் பெரிய பட்ஜெட் திரைப்படமாக அமைந்தது. அர்ஜுன் சார்ஜா இந்தப்படத்தில் நடித்திருந்தார். வித்தியாசமான கதைக் தளத்திற்காக பெரிதும் மக்களால் பாராட்டப்பட்ட இந்த திரைப்படத்தில் ஏ.ஆர்.ரகுமான் இசையமைத்திருந்தார்.

இந்த படத்தின் வெற்றியை தொடர்ந்து பிரம்மாண்ட இயக்குனர் என்று அழைக்கப்பட்ட ஷங்கர், காதலன், இந்தியன், ஜீன்ஸ் போன்ற வெற்றி திரைப்படங்களை இயக்கியுள்ளார்.

தற்போது கமலுடன் இணைந்து “இந்தியன் 2” திரைப்படத்தை இயக்கி வரும் ஷங்கர், தான் ‘சூரரைப்போற்று’, ‘அந்தகாரம்’, ‘ஜல்லிக்கட்டு’ ஆகிய திரைப்படங்களை பார்த்ததாகவும் இந்த திரைப்படங்கள் மிகவும் பாராட்டுதற் கூடியதாக இருந்ததாகவும், தனது சமூக வலைத்தள பக்கத்தில் பதிவிட்டுள்ளார்.

Recently enjoyed …
Soorarai potru movie, with soulful music by GV Prakash.

Excellent cinematography by Edwin sakay in the movie Andhaghaaram.

Remarkable and really different Background score by Prashant pillai for the Malayalam film Jallikkattu

— Shankar Shanmugham (@shankarshanmugh) December 8, 2020