ரஜினி – சுந்தர்.சி கூட்டணியில் வெளியாகி ஹிட்டான ‘அருணாச்சலம்’… இப்படத்தின் மொத்த வசூல் இத்தனை கோடியா?

தமிழ் சினிமாவில் மட்டுமின்றி இந்திய திரையுலகமே வியந்து பார்க்கும் அளவுக்கு பல சாதனைகள் செய்து மக்கள் மனதிலும் எப்பவும் சூப்பர் ஸ்டாராக வலம் வரும் ஒரே நடிகர் ரஜினிகாந்த் தான். இவர் போலீஸாக மாஸ் காட்டிய ‘தர்பார்’ படம் 2020-ஆம் ஆண்டு தொடக்கத்தில் வெளியானது.

இந்த படத்துக்கு பிறகு ரஜினி, சிவா இயக்கத்தில் ‘அண்ணாத்த’ என்ற படத்தில் நடித்திருந்தார். ‘சன் பிக்சர்ஸ்’ நிறுவனம் தயாரித்திருந்த இப்படம் கடந்த ஆண்டு (2021) நவம்பர் 4-ஆம் தேதி தீபாவளி ஸ்பெஷலாக திரையரங்குகளில் ரிலீஸானது. ரஜினியின் 169-வது படத்தை பாப்புலர் இயக்குநர்களில் ஒருவரான நெல்சன் இயக்க உள்ளார். ‘சன் பிக்சர்ஸ்’ நிறுவனம் தயாரிக்கவுள்ள இப்படத்தின் ப்ரீ-புரொடக்ஷன் பணிகள் பரபரப்பாக நடைபெற்று வருகிறதாம்.

‘சூப்பர் ஸ்டார்’ ரஜினிகாந்த் நடிப்பில் 1997-ஆம் ஆண்டு வெளியான படம் ‘அருணாச்சலம்’. இந்த படத்தில் ரஜினிக்கு ஜோடியாக சௌந்தர்யா நடிக்க, பாப்புலர் இயக்குநர்களில் ஒருவரான சுந்தர்.சி இதனை இயக்கியிருந்தார். இதில் முக்கிய ரோல்களில் ரம்பா, ஜெய் ஷங்கர், ரகுவரன், விசு, நிழல்கள் ரவி, செந்தில், ஜனகராஜ் மற்றும் பலர் நடித்திருந்தனர். இப்படம் உலக அளவில் ரூ.28.35 கோடி வசூல் செய்ததாம்.