சினிமாவில் டாப் இயக்குநர்களில் ஒருவராக வலம் வருபவர் ஷங்கர். இவர் இயக்கும் புதிய படத்தில் டோலிவுட்டில் டாப் ஹீரோக்களில் ஒருவராக வலம் வரும் ‘மெகா பவர் ஸ்டார்’ ராம் சரண் நடிக்க உள்ளாராம். இப்படம் நடிகர் ராம் சரணின் கேரியரில் 15-வது படமாம். இதனை டோலிவுட்டில் பாப்புலர் தயாரிப்பாளர்களில் ஒருவரான தில் ராஜு தனது ‘ஸ்ரீ வெங்கடேஸ்வரா கிரியேஷன்ஸ்’ நிறுவனம் மூலம் தயாரிக்க உள்ளாராம்.
இது தயாரிப்பு நிறுவனம் ‘ஸ்ரீ வெங்கடேஸ்வரா கிரியேஷன்ஸ்’-யின் 50-வது படைப்பாம். இப்படம் தெலுங்கு மொழி மட்டுமில்லாமல் தமிழ், ஹிந்தி ஆகிய மொழிகளிலும் மிக பிரம்மாண்டமாக உருவாக உள்ளதாம். இதில் ஹீரோயினாக பாலிவுட் நடிகை கியாரா அத்வானி நடிக்க உள்ளார்.
மேலும், மிக முக்கிய ரோல்களில் அஞ்சலி, ஜெயராம், சுனில், நவீன் சந்திரா ஆகியோர் நடிக்க உள்ளனர். தமன் இசையமைத்து வரும் இதற்கு திருநாவுக்கரசு ஒளிப்பதிவு செய்யவுள்ளார். இந்த படத்துக்கான ப்ரீ-புரொடக்ஷன் வேலைகள் ஜெட் ஸ்பீடில் நடைபெற்று வந்தது. இந்நிலையில், இன்று (செப்டம்பர் 8-ஆம் தேதி) இப்படத்துக்கான பூஜை போடப்பட்டதாக தகவல் கிடைத்துள்ளது. இதன் ஷூட்டிங்கை நாளை (செப்டம்பர் 9-ஆம் தேதி) முதல் ஆரம்பிக்க ப்ளான் போட்டுள்ளனர்.
We are coming !!!#RC15 #SVC50 Muhurtham Ceremony Today. @shankarshanmugh @AlwaysRamCharan@advani_kiara @MusicThaman @DOP_Tirru @ramjowrites @saimadhav_burra @SVC_official pic.twitter.com/VnwUtmPaXP
— Sri Venkateswara Creations (@SVC_official) September 8, 2021
Home