‘பாகுபலி’-யில் ‘பல்வாள்தேவன்’ ரோலில் மாஸ் காட்டிய ராணா டகுபதி… அதற்காக அவர் வாங்கிய சம்பளம் எவ்ளோ தெரியுமா?

சினிமாவில் பாப்புலர் நடிகர்களில் ஒருவராக வலம் வருபவர் ராணா டகுபதி. ராணாவுக்கு முதல் தெலுங்கு படமே சூப்பர் ஹிட் படமாக அமைந்தது. அது தான் ‘லீடர்’. ‘லீடர்’-க்கு பிறகு ஹிந்தியில் ‘தம் மாரோ தம்’யில் நடித்தார். பின், தெலுங்கு, ஹிந்தியில் அடுத்தடுத்து சில படங்களில் நடித்த ராணா டகுபதி தமிழ் திரையுலகிலும் கால் பதித்தார்.

தமிழில் முதல் படமே ‘ஆரம்பம்’. இதில் ‘தல’ அஜித்துக்கு நண்பராக வலம் வந்து அப்ளாஸ் வாங்கினார் ராணா டகுபதி. ‘ஆரம்பம்’ படத்துக்கு பிறகு நடிகர் ராணா டகுபதிக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் தமிழ்/தெலுங்கில் ‘பாகுபலி’ பார்ட் 1 மற்றும் 2, ‘இஞ்சி இடுப்பழகி’, ‘காஸி’, தமிழில் ‘பெங்களூர் நாட்கள், எனை நோக்கி பாயும் தோட்டா’, ‘காடன்’ (ஹிந்தி / தெலுங்கு / தமிழ்) என படங்கள் குவிந்தது. இப்போது நடிகர் ராணா டகுபதி நடிப்பில் தெலுங்கு மொழியில் ‘1945, விரத பருவம், பீம்லா நாயக்’ என மூன்று படங்கள் லைன் அப்பில் இருக்கிறது.

ராணா டகுபதியின் கேரியரில் மிக முக்கியமான படங்கள் ‘பாகுபலி 1 & 2’. இதனை டாப் இயக்குநர்களில் ஒருவரான எஸ்.எஸ்.ராஜமௌலி இயக்கியிருந்தார். பிரபாஸ் ஹீரோவாக நடித்திருந்த இதில் மிக முக்கிய ரோல்களில் அனுஷ்கா ஷெட்டி, தமன்னா, நாசர், ரம்யா கிருஷ்ணன், சத்யராஜ் மற்றும் பலர் நடித்திருந்தனர். இந்த படத்தில் ராணா டகுபதி ‘பல்வாள்தேவன்’ என்ற ரோலில் வலம் வந்து ரசிகர்களிடம் அப்ளாஸ் வாங்கினார். தற்போது, நடிகர் ராணா டகுபதி ‘பாகுபலி 1’-க்காக ரூ.10 கோடியும், ‘பாகுபலி 2’-க்காக ரூ.15 கோடியும் சம்பளம் வாங்கியதாக தகவல் கிடைத்துள்ளது.