‘வீட்ல விசேஷம்’ படத்தின் ‘கல்யாண பாட்டு’க்கு நடனமாடி அசத்திய ஷிவானி!

விஜய் டிவியில் ஒளிபரப்பான ‘சரவணன் மீனாட்சி’ சீரியலின் சீசன் 3 மூலம் நடிகையாக அறிமுகமானவர் ஷிவானி நாராயணன். அதன் பிறகு விஜய் டிவியில் ஒளிபரப்பான ‘பகல் நிலவு, கடைக்குட்டி சிங்கம்’ மற்றும் ‘ஜீ தமிழ்’ சேனலில் ஒளிபரப்பான ‘இரட்டை ரோஜா’ சீரியல்களிலும் சூப்பராக நடித்து அசத்தி ரசிகர்களிடம் அப்ளாஸ் வாங்கினார்.

மேலும், இன்ஸ்டாகிராமில் தொடர்ந்து கவர்ச்சியான ஸ்டில்ஸை ஷேரிட்டு வந்ததால் ஷிவானிக்கென மிகப் பெரிய ரசிகர் பட்டாளம் இருக்கிறது. 19 வயதே ஆன ஷிவானி நாராயணனுக்கு அடித்த ஜாக்பாட் தான் ‘பிக் பாஸ்’ என்ட்ரி. விஜய் டிவியில் ‘உலக நாயகன்’ கமல் ஹாசன் தொகுத்து வழங்கிய ‘பிக் பாஸ்’ ரியாலிட்டி ஷோவின் சீசன் 4 2020-ஆம் ஆண்டு அக்டோபர் 4-ஆம் தேதி முதல் துவங்கி கடந்த ஆண்டு (2021) ஜனவரி 17-ஆம் தேதி வரை ஒளிபரப்பானது.

சமீபத்தில் வெளியான கமல் ஹாசனின் ‘விக்ரம்’ படத்தில் விஜய் சேதுபதிக்கு ஜோடியாக வலம் வந்திருந்தார் ஷிவானி. இப்போது நடிகை ஷிவானி நாராயணன் நடிப்பில் விஜய் சேதுபதி படம், வடிவேலுவின் ‘நாய் சேகர் ரிட்டர்ன்ஸ்’ மற்றும் ஆர்.ஜே.பாலாஜியின் ‘வீட்ல விசேஷம்’ என மூன்று படங்கள் லைன் அப்பில் இருக்கிறது. இந்நிலையில், இவர் தனது இன்ஸ்டாகிராம் பக்கத்தில் ஹாட்டான வீடியோவை வெளியிட்டுள்ளார். இந்த வீடியோவில் ‘வீட்ல விசேஷம்’ படத்தின் ‘கல்யாண பாட்டு’க்கு சூப்பராக நடனமாடி அசத்தியுள்ளார் ஷிவானி.

Share.