சிபிராஜின் ‘ரேஞ்சர்’… சூப்பரான அப்டேட் கொடுத்த தயாரிப்பு நிறுவனம்!

சினிமாவில் பாப்புலர் ஹீரோக்களில் ஒருவராக வலம் வருபவர் சிபிராஜ். இப்போது, நடிகர் சிபிராஜ் நடிப்பில் ‘கபடதாரி, வட்டம், ரங்கா, மாயோன், ரேஞ்சர்’ என ஐந்து படங்கள் லைன் அப்பில் இருக்கிறது. இதில் ‘கபடதாரி’ படத்தின் போஸ்ட் புரொடக்ஷன் பணிகள் முடிவடையும் தருவாயில் உள்ளது.

இயக்குநர் பிரதீப் கிருஷ்ணமூர்த்தி இயக்கி வரும் இந்த படத்தை இம்மாதம் (ஜனவரி) இறுதியில் ரிலீஸ் செய்ய ப்ளான் போட்டுள்ளனர். சமீபத்தில், சிபிராஜ் தனது ட்விட்டர் பக்கத்தில் ‘ரேஞ்சர்’ படத்தின் ஃபர்ஸ்ட் லுக் போஸ்டரை ரிலீஸ் செய்தார். இந்த ஃபர்ஸ்ட் லுக் போஸ்டர் படத்தின் மீதான எக்ஸ்பெக்டேஷன் லெவலை எகிற வைத்தது.

இந்த படத்தை இயக்குநர் தரணிதரன் இயக்க, ஹீரோயினாக ரம்யா நம்பீசன் நடித்து கொண்டிருக்கிறார். மேலும், மிக முக்கிய ரோல்களில் மது ஷாலினி, காளி வெங்கட் மற்றும் பலர் நடிக்கின்றனர். ‘நியூ ஏஜ் சினிமா’ நிறுவனத்துடன் சேர்ந்து ‘ஆரா சினிமாஸ்’ நிறுவனம் இப்படத்தினை தயாரித்து கொண்டிருக்கிறது. இந்த படத்துக்கு அரோல் கொரெல்லி இசையமைத்து கொண்டிருக்கிறார். தற்போது, இந்த படத்தின் ஷூட்டிங் முடிந்து விட்டதாக தகவல் கிடைத்துள்ளது.

Its A Wrap For Our #RangerTheMovie 🐅 !
Ready to Meet u soon .. #SaveTigers #BasedOnATrueStory @Sibi_Sathyaraj @nambessan_ramya @iamMadhuShalini @Dharanidharanpv @kaaliactor @ArrolCorelli @tnkabilan @EditorShivaN @DoneChannel1 @VanquishMedia__ pic.twitter.com/YlOJtVZ39v

— Auraa Cinemas®™ (@auraacinemas) January 3, 2021