“இது ஒரு போலியான அறிவிப்பு, யாரும் ஏமாந்து விடாதீர்கள்”… சிபிராஜ் போட்ட ட்வீட்!

சினிமாவில் பாப்புலர் ஹீரோக்களில் ஒருவராக வலம் வருபவர் சிபிராஜ். நடிகர் சத்யராஜின் மகனான இவர் திரையுலகில் தனக்கென ஒரு ஃபார்முலாவை பிடித்து தொடர்ந்து நல்ல படங்களில் நடித்து வருகிறார். சிபிராஜுக்கு முதல் படமே சூப்பர் ஹிட்டானது. அது தான் ‘ஸ்டுடண்ட் நம்பர் 1’.

அதன் பிறகு நடிகர் சிபிராஜுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘ஜோர், மண்ணின் மைந்தன், வெற்றிவேல் சக்திவேல், கோவை பிரதர்ஸ், லீ, நாணயம், நாய்கள் ஜாக்கிரதை, போக்கிரி ராஜா, ஜாக்சன் துரை, கட்டப்பாவ காணோம், சத்யா, வால்டர்’ என படங்கள் குவிந்தது. கடந்த ஜனவரி மாதம் 28-ஆம் தேதி சிபிராஜின் புதிய படமான ‘கபடதாரி’ திரையரங்குகளில் ரிலீஸானது.

இதில் சிபிக்கு ஜோடியாக நந்திதா நடித்திருந்தார். இந்த படத்தை இயக்குநர் பிரதீப் கிருஷ்ணமூர்த்தி இயக்கியிருந்தார். இப்போது, நடிகர் சிபிராஜ் நடிப்பில் ‘வட்டம், ரங்கா, மாயோன், ரேஞ்சர்’ என நான்கு படங்கள் லைன் அப்பில் இருக்கிறது. இந்நிலையில், சிபிராஜ் தனது ட்விட்டர் பக்கத்தில் “என் படத்தில் நடிக்க ஹீரோயின் மற்றும் முக்கிய ரோல்களில் நடிக்க நடிகர்கள், நடிகைகள் தேவை என்று குறிப்பிட்டு ஒரு போலியான அறிவிப்பு புகைப்படம் சமூக வலைத்தளங்களில் தீயாய் பரவி வருகிறது. எனக்கும் இதற்கும் எந்தவிதமான தொடர்பும் கிடையாது. இதை யாரும் நம்பி ஏமாந்து விடாதீர்கள்” என்று கூறியுள்ளார்.

Dear friends. It has come to my notice that this picture has been doing the rounds on social media last few days.I wish to clarify that this is a FAKE casting call and I’m totally unaware and in no way connected to this scam.Pls do not fall Prey to this 🙏🏻 pic.twitter.com/FQqfyEWebI

— Sibi Sathyaraj (@Sibi_Sathyaraj) April 23, 2021