புட்ட பொம்மா பாடலுக்கு நடனமாடிய சிம்ரன்: டிக்டாக்கில் வைரல்

மிகவும் பிரபலமான புட்ட பொம்மா பாடலுக்கு சிம்ரன் நடனம் ஆடியுள்ள டிக்டாக் வீடியோ இணையத்தில் வைரலாகி வருகிறது.

தமிழ் சினிமாவில் பல டாப் ஹீரோக்களுக்கு ஜோடியாக நடித்திருப்பவர் சிம்ரன். அவரது நடனத்திற்கு என்றே அதிக ரசிகர்கள் உள்ளனர். பல படங்களில் அவரது பாடல்கள் நடனத்துக்காகவே ஹிட் ஆகியுள்ளன.சமீப காலமாக சமூக வலைத்தளங்களில் அதிக ஆக்டிவாக இருக்கும் சிம்ரன் டிக்டாக் வீடியோக்கள் பலவற்றையும் வெளியிட்டு வருகிறார். அவற்றுக்கு நல்ல வரவேற்பும் கிடைத்து வருகிறது. கொரோனா லாக் டவுன் நேரத்தில் இப்படி அவர் வெளியிட்டு வரும் வீடியோக்களை பார்த்து ரசிகர்கள் ஆச்சர்யம் அடைந்து வருகின்றனர்.

Dance always keeps me up and running❤️#StayHomeStaySafe #WeWillGetThroughThisTogether #slimfitsimran #dancewithme pic.twitter.com/UjHazzALtE

— Simran (@SimranbaggaOffc) May 13, 2020

அந்த வரிசையில் தற்போது சிம்ரன் சூப்பர்ஹிட் தெலுங்கு பாடலான புட்ட பொம்மா பாட்டுக்கு டான்ஸ் ஆடி டிக்டாக் வீடியோ வெளியிட்டுள்ளார். அது வைரலாகி வருகிறது.இந்த வீடியோவை பார்த்த ரசிகர்கள் சிம்ரனின் நடனத்தை பாராட்டி வருகின்றனர். புட்ட பொம்மா பாடலுக்கு உண்மையில் ஆடிய பூஜா ஹெக்டேவை விட சிம்ரன் நன்றாக ஆடி இருக்கிறார் என ரசிகர் ஒருவர் கமெண்ட் செய்துள்ளார்.

இதற்கு முன்பு இந்த பாடலுக்கு ஆஸ்திரேலிய கிரிகெட் வீரர் வார்னர் தனது மனைவியுடன் இணைந்து ஆடியிருப்பது குறிப்பிடத்தக்ககது.