விஜய் சேதுபதிக்கு பதில் இந்த படத்தில் நடிக்கவிருந்தவர் இவர்தானாம்!

தமிழ் சினிமாவில் முன்னணி நட்சத்திரங்களில் ஒருவராக வலம் வரும் மக்கள் செல்வன் விஜய் சேதுபதி தன் திறமை மூலம் தமிழ் திரையுலகில் தனக்கென தனி இடத்தை தற்போது பிடித்துள்ளார்.

மிகவும் கஷ்டப்பட்டு தற்போது குறைந்தது 10 கோடி அளவு சம்பளம் வாங்கும் உயரத்திற்கு வளர்ந்துள்ள விஜய் சேதுபதி கார்த்திக் சுப்புராஜ் இயக்கத்தில் வெளியான “பீட்சா” படத்தின் மூலம் ரசிகர்கள் இடையே தனக்கென தனி இடத்தை பிடித்தார் என்று சொன்னால் மிகையாகாது.

இந்த படத்தில் முதலில் விஜய்சேதுபதிக்கு பதிலாக நடிகர் பிரசன்னா, சித்தார்த், வேறொரு நடிகரை கேட்டு வந்தார்களாம் தயாரிப்புக் குழு. ஆனால் கார்த்திக் சுப்புராஜ் தான் இந்த கதாபாத்திரத்திற்கு விஜய் சேதுபதி தான் சரியாக இருப்பார் என்று பிடிவாதமாக இருந்து விஜய்சேதுபதியை நடிக்க வைத்தாராம்.

இந்தப் படம் கார்த்திக் சுப்புராஜ் கேரியரிலும் விஜய் சேதுபதி கேரியரிலும் ஒரு பெரிய மைல் கல்லாக அமைந்தது.

தற்போது விஜய்சேதுபதி லோகேஷ் கனகராஜ் இயக்கத்தில் விஜய் நடிப்பில் வெளியாகவிருக்கும் “மாஸ்டர்” திரைப்படத்தில் வில்லனாக நடித்துள்ளார். இந்த படம் கொரோனா லாக்டவுன் காரணமாக தற்போது நிறுத்தி வைக்கப்பட்டுள்ளது.