தமிழில் முன்னணி நடிகர்களில் ஒருவரான விஜய் சேதுபதி நடிப்பில் அடுத்து வெளிவரவிருக்கும் திரைப்படம் “துக்ளக் தர்பார்”. சமீபத்தில் இவர் நடித்த கா.பே.ரனசிங்கம் திரைப்படம் வெளியாகி ரசிகர்களிடம் நல்ல வரவேற்பைப் பெற்றது.
துக்ளக் தர்பார் படத்தில் நடிகர் விஜய் சேதுபதிக்கு வில்லனாக இயக்குனர் மற்றும் நடிகர் பார்த்திபன் ராதாகிருஷ்ணன் நடிக்கிறார் என்று ஏற்கனவே செய்தி வெளியாகியிருந்தது.
இந்த படத்தில் மேலும் ராஷி கண்ணா மற்றும் மஞ்சிமா மோகன் நடிக்கிறார்கள். டெல்லி பிரசாத் தீனதயாள் இந்த படத்தை இயக்குகிறார். இந்தப்படம் அரசியல் சார்ந்த கதையை கதைக்களமாக கொண்டிருக்கிறது என்பது இந்த படத்தின் ஃபர்ஸ்ட் லுக்கிலிருந்து தெரிகிறது.
செவன் ஸ்கிரீன் ஸ்டுடியோஸ் மற்றும் வியாகாம் 18 ஸ்டுடியோஸ் இந்தப் படத்தை தயாரித்துள்ளது.
தற்போது இந்த படத்தில் ஒரு கதாபாத்திரத்தில் நடிப்பதற்கு பிக்பாஸ் சீசன்4 புகழ் சமயுக்தாவை ஒப்பந்தம் செய்துள்ளார்களாம். இவ்வளவு விரைவில் சான்ஸ் கிடைத்துவிட்டது என்று பலரும் இவருக்கு பாராட்டுகளை குவித்து வருகிறார்கள்.
Home