இளகிய மனம் கொண்ட யோகிபாபு – இந்த படத்திற்கு சம்பளம் வாங்கவில்லை!

தமிழ் திரைப் படங்களில் சின்ன சின்ன வேடங்களில் நடிப்பது மூலம் அறிமுகமாகி பின்பு புகழ்பெற்ற காமெடி நடிகராக தற்போது வலம் வருபவர் நடிகர் யோகிபாபு.

2016 ஆம் வருடம் வெளியான “ஆண்டவன் கட்டளை” படத்தில் நடித்தது மூலம் தமிழ் ரசிகர்களிடையே நல்ல வரவேற்பை பெற்ற யோகிபாபு, லேடி சூப்பர்ஸ்டார் நயன்தாரா நடிப்பில் வெளியான “கோலமாவு கோகிலா” மற்றும் “பரியேறும் பெருமாள்” படங்களின் மூலம் தனக்கென தனி இடத்தை பிடித்தார்.

தமிழ் மட்டுமல்லாது தெலுங்கு மற்றும் இந்தி படங்களிலும் நடித்துள்ளார். இவர் ஹீரோவாக நடித்த “காக்டைல்” திரைப்படம் கடைசியாக ஜீ5 எனும் ஓடிடி தளத்தில் வெளியானது.

இவர் நடித்துள்ளா டிக்கிலோனா, ஜெகஜாலக்கில்லாடி, பிஸ்தா ஆகிய திரைப்படங்கள் படப்பிடிப்பு முடிந்து ரிலீசுக்கு காத்திருக்கிறது. இவர் நடிக்கவுள்ள சைத்தான் கா பச்சா, சதுரங்க வேட்டை2, அடங்காதே திரைப்படங்கள் தற்போது நிறுத்தி வைக்கப்பட்டுள்ள நிலையில், நின்று கொள்வான், பன்னிக்குட்டி, மண்டேலா, வெள்ளை யானை, கடைசி விவசாயி, கன்னி ராசி, ட்ரிப் ஆகிய திரைப்படங்களின் வேலைகள் நடந்து கொண்டு வருகிறது.

இவர் சமீபத்தில் தனது பேய் மாமா படத்தின் ஆடியோ ரிலீசில் பேசியபோது, தான் ஒரு பெண் உதவி இயக்குனரின் படத்தில் இலவசமாக நடிப்பதற்கு ஒப்புக் கொண்டுள்ளதாகவும், அவர் கஷ்டப்படுவதால் அவர் முன்னேற்றத்திற்காக உதவ முன்வந்துள்ளதாகவும் குறிப்பிட்டுள்ளார். இதைக்கேட்ட அவரது ரசிகர்கள் இவ்வளவு இளகிய மனம் படைத்தவரா நீங்கள் என்று அவரை பாராட்டி வருகிறார்கள்.

அந்தப் பெண் இயக்குனர் இவரிடம் “என் படம் பெரிதாக வந்தால் மட்டுமே எனக்கு திருமணம் நடக்கும்” என்று மிகவும் வருத்தத்துடன் கூறியதாகவும் அவர் இந்த பதிவில் கூறியிருக்கிறார்.