மீண்டும் அரசியலில் என்ட்ரியாகப்போகிறாரா ‘சூப்பர் ஸ்டார்’ ரஜினிகாந்த்?… அவரே சொன்ன தகவல்!

தமிழ் சினிமாவில் மட்டுமின்றி இந்திய திரையுலகமே வியந்து பார்க்கும் அளவுக்கு பல சாதனைகள் செய்து மக்கள் மனதிலும் எப்பவும் சூப்பர் ஸ்டாராக வலம் வரும் ஒரே நடிகர் ரஜினிகாந்த் தான். இவர் போலீஸாக மாஸ் காட்டிய ‘தர்பார்’ படம் 2020-ஆம் ஆண்டு தொடக்கத்தில் வெளியானது.

இந்த படத்துக்கு பிறகு ரஜினி, சிவா இயக்கத்தில் ‘அண்ணாத்த’ என்ற படத்தில் நடித்திருந்தார். ‘சன் பிக்சர்ஸ்’ நிறுவனம் தயாரித்திருந்த இப்படம் கடந்த ஆண்டு (2021) நவம்பர் 4-ஆம் தேதி தீபாவளி ஸ்பெஷலாக திரையரங்குகளில் ரிலீஸானது.

ரஜினியின் 169-வது படமான ‘ஜெயிலர்’-ஐ பாப்புலர் இயக்குநர்களில் ஒருவரான நெல்சன் இயக்க உள்ளார். ‘சன் பிக்சர்ஸ்’ நிறுவனம் தயாரிக்கவுள்ள இப்படத்தின் ப்ரீ-புரொடக்ஷன் பணிகள் பரபரப்பாக நடைபெற்று வருகிறதாம்.

இந்நிலையில், இன்று (ஆகஸ்ட் 8-ஆம் தேதி) தமிழக ஆளுநர் ஆர்.என்.ரவியை ரஜினிகாந்த் நேரில் சந்தித்து பேசியதாக தகவல் கிடைத்துள்ளது. அப்போது, மீடியாவை சந்தித்த ரஜினியிடம் “மீண்டும் அரசியலுக்கு வரும் திட்டம் இருக்கிறதா?” என்ற கேள்வி கேட்கப்பட்டது. அதற்கு ரஜினி “இல்லை” என்று பதில் கூறியுள்ளார்.