பிரபல நடிகையின் கணவர் சிரஞ்சீவி சார்ஜா திடீர் மரணம்!!

பிரபல கன்னட நடிகர் சிரஞ்சீவி சார்ஜா(39) அவர்கள் மாரடைப்பால் இறந்த செய்தி ரசிகர்கள் மற்றும் திரை உலகினர் இடையே அதிர்ச்சியை ஏற்படுத்தியுள்ளது.

தமிழில் “காதல் சொல்ல வந்தேன்” படத்தில் நடித்தவர் மேக்னா ராஜ். மலையாளம், கன்னடா ஆகிய படங்களில் நடித்த இவர், கடந்த 2018ம் ஆண்டு பிரபல கன்னட நடிகை சிரஞ்சீவியுடன் திருமணம் நடைபெற்றது. இந்நிலையில் நேற்று திடீரென உடல்நலக்குறைவால் பாதிக்கப்பட்ட நடிகர், மூச்சுத்திணறல் கடுமையாக இருந்ததால் மருத்துவமனையில் அனுமதிக்கப்பட்டார். ஆனால் வழியிலேயே அவரின் உயிர் பிரிந்துவிட்டதாக கூறப்படுகிறது.சமீபத்தில் 2வது திருமண நாளை கொண்டாடிய நிலையில் சிரஞ்சீவியின் மரணம் அனைவரையும் பெரும் அதிர்ச்சியில் ஆழ்த்தியுள்ளது.

இவர் இறந்ததையடுத்து திரையுலகினர் தங்கள் இரங்கலை ட்விட்டர் பதிவில் தெரிவித்து வருகின்றனர். நடிகர் சிரஞ்சீவி சார்ஜா மரணத்திற்கு முன்னாள் கிரிக்கெட் வீரர் அனில் கும்ப்ளே தனது ட்விட்டர் பக்கத்தில் இரங்கல் தெரிவித்துள்ளார் .” சிரஞ்சீவி சார்ஜாவின் மரணம் என்னை பெரும் அதிர்ச்சி மற்றும் சோகத்திற்கு ஆழ்த்தியுள்ளது. இவ்வளவு திறமையான நடிகர் இளமையான வயதில் போய்விட்டார். அவரது குடும்பத்தினர் மற்றும் நண்பர்களுக்கு ஆழ்ந்த இரங்கல், என்று தெரிவித்துள்ளார். மேலும் இவர் நடிகர் அர்ஜூனின் உறவினர் ஆவார். சிரஞ்சீவியின் மனைவி மேக்னா ராஜ் 4 மாதம் கர்ப்பமாக இருப்பது குறிப்பிடத்தக்கது.