ஹிப்ஹாப் தமிழா ஆதி நடித்து வெளிவந்த திரைப்படமான “மீசைய முறுக்கு” படத்தில் அறிமுகமான நடிகை ஆத்மிகா. இந்த குவாரண்டைனில் இன்ஸ்டாகிராமில் மிகவும் ஆக்டிவாக இருந்தார்.
இவரின் தந்தை ஜூன் 26ஆம் தேதி மாரடைப்பால் திடீரென உயிரிழந்தார். அரசின் கட்டுப்பாட்டு விதிகளை பின்பற்றி அவரது இறுதி சடங்கு நடந்தேறியது.
மனமுடைந்த ஆத்மிகா தனது தந்தையை பற்றியும் அவரது மரணத்தைக் குறித்தும் உருக்கமான பதிவு ஒன்றை வெளியிட்டுள்ளார்.
அவர்”உங்களுக்கு குட்பாய் சொல்ல எனக்கு வாய்ப்பு கிடைக்கவே இல்லை அப்பா. நீங்கள் சென்ற இந்த தூக்கத்தில் இனிமேல் உங்களுடன் எனது அன்பை பகிர்ந்து கொள்ள முடியாது என்பது மிகவும் கடினமாக இருக்கிறது. என்னிடமிருந்து ஏன் கடவுள் உங்களை இவ்வளவு விரைவில் கொண்டு சென்றார் என்பது விடை தெரியாத புதிர். நீங்கள் விட்டுச் சென்ற இடத்தை யாராலும் நிரப்ப முடியாது. ஆனால் நீங்கள் என் மனதில் எப்போதும் வாழ்வீர்கள் என்பது எனக்கு இதில் கிடைத்த ஒரே ஆறுதல். நீங்கள் எனக்கு நல்லவற்றையே கற்றுக் கொடுத்திருக்கிறீர்கள். நீங்கள் படிப்பித்த நன்னெறிகளை பின்பற்றி வாழ்வேன். தனியாகவும் தைரியமாகவும் வாழ நீங்கள் எனக்கு கற்றுக் கொடுத்துள்ளீர்கள். என்றும் உங்கள் குழந்தையாக நான் வாழ்வேன்” இவ்வாறு உருக்கமாக பதிவிட்டுள்ளார்.
— Aathmika (@im_aathmika) July 2, 2020
சமீபத்தில் சோசியல் மீடியாவில் செம ஆக்டிவாக இருந்த ஆத்மிகா தன் தந்தையின் மரணத்தையடுத்து சோகத்தில் இருக்கிறார். இவர் பதிவிற்கு அவரது ரசிகர்கள் அனைவரும் ஆறுதல் கூறி வருகிறார்கள்.
இவர் மீசையமுறுக்கு படத்திற்கு அடுத்து “நரகாசுரன்” மற்றும் ‘காட்டேரி” ஆகிய படங்களில் நடித்திருந்தார்.அந்த படங்கள் இன்னும் வெளியாகவில்லை.
Home