சுஷாந்த் குற்றவாளிகள் ஓடவும் முடியாது ஒளியவும் முடியாது…!

அனைவரையும் தற்போது சோகத்தில் ஆழ்த்தியிருக்கும் விஷயம் தோனி பட நடிகர் சுஷாந்த் சிங் ராஜ்புத் தற்கொலை. தற்போது அவரது பயோபிக் உருவாகவுள்ளதாக ஒரு செய்தி வந்துள்ளது.

பாலிவுட் நடிகரான சுஷாந்த் சிங் ராஜ்புத் தனது பாந்திர இல்லத்தில் ஜூன் 14ம் தேதி தற்கொலை செய்து கொண்டார். இவர் மன அழுத்தத்தால் தற்கொலை செய்து கொண்டார் அதற்கு இதெல்லாம் காரணம் என்று பல வதந்திகள் பரவி வருகிறது.

இவரது கதையை தழுவி இந்தி, தெலுங்கு மற்றும் தமிழில் பயோபிக் உருவாக்கவுள்ளதாகவும், இந்தப்படம் 2022-ல் வெளிவர உள்ளதாகவும் தற்போது செய்திகள் வந்துள்ளன.மேலும் இந்தப் படத்தை நிகில் ஆனந்த் இயக்கவுள்ளாராம். இந்த படத்திற்கான தயாரிப்பு பப்ளிக் பஃண்டிங் மூலம் நடக்கும் என்றும் தெரிவித்துள்ளனர்.

“சுஷாந்த் சிங் நம்மோடு இல்லை என்பதை ஜீரணித்துக் கொள்ளவே முடியவில்லை. முன்னேறத் துடிக்கும் ஒவ்வொரு சாதாரண மனிதனுக்கும் அவர் ஒரு முன்னோடியாக விளங்கினார். இவர் ஒரு நல்ல கலைஞர் மட்டுமல்லாது நல்ல மனிதரும் ஆவார். இப்போது அவர் எங்கிருந்தாலும் மகிழ்ச்சியாக இருப்பார் என்று இறைவனை பிரார்த்திக்கிறேன். இந்தபடம் அவருக்கு நான் கொடுக்கும் ட்ரிபியூட் ஆகும். இந்தப் படத்தின் மூலம் சினிமாவில் ஒரு மாற்றம் வந்து, இனிமேலாவது பாலிவுட்டில் வாரிசு அரசியலை தவிர்த்து இளம் திறமையாளர்களை அங்கிருப்பார்கள் என்று எதிர்பார்க்கிறேன்”இவ்வாறு ஆனந்த் கூறியுள்ளார்.

“இந்த கொரோனா லாக்டவுன் முடிந்ததும் படவேலைகள் தொடங்கும், அதுவரை இந்தப்படம் பற்றிய கதை, படக்குழு,மேலும் அவர் வாழ்க்கை பற்றிய விபரங்களை சேகரிக்க உள்ளேன். இந்த படத்தை நாடு முழுவதும் ரிலீஸ் செய்யவும், முடிந்தால் உலகளவில் வெளியிட்டு பலரை ஊக்குவிக்க உதவுமாறு செய்வேன்” என்றும் குறிப்பிட்டுள்ளார்.

நிகில் ஆனந்த் அவரது உறவினர்கள் மற்றும் நண்பர்களிடம் சுஷாந்த் பற்றிய விபரங்களை சேகரிப்பதற்காக அவரது சொந்த ஊருக்கு செல்ல உள்ளார் என்பது குறிப்பிடத்தக்கது.